Legjenda e futbollit Diego Maradona, ka thënë se dëshiron që Napoli të fitojë Seria A këtë edicion dhe shpreson ta arrijë me trajnerin Gennaro Gattuso.

Ish sulmuesi feston ditëlindjen e 60-të dhe përmes një letre ka zbuluar se dëshiron që Napoli të fitojë Scudetto, transmeton portali arbresh.info.

Argjentinasi tha se është krenar që ka luajtur për Napoli-n dhe shpreson se klubi këtë edicion të fitojë Scudetto.

“Do të doja që Napoli të fitonte tjetër Scudetto. I nderuar Gattuso, shko përpara, me kapacitetin tënd për futboll”.

“Do duartrokas për ty dhe dua të tregoj diçka: Ka njerëz që thonë për të luajtur për Barcelonën, Real Madrid-in ose Juventus-in”.

“Por, unë jam krenar që isha pjesë e Napoli-t. Shpresoj që një ditë edhe ti të thuash të njëjtën gjë”, deklaroi ai.

Maradona ishte pjesë e “Napolitanëve” në vitet 1984 – 1991, duke fituar dy herë titullin e Seria A, një herë Kupën e Italisë dhe një herë kupën e UEFA-s./arbresh.info.